ហ៊ុន សែន បញ្ជាឲ្យបន្តបោះបង្គោលព្រំដែន និងឲ្យចាប់អ្នកណាហ៊ានប្រឆាំង
ភ្នំពេញថ្ងៃទី៩ កញ្ញា ២០១៥, http://monoroom.info/news/post/6315
ក្រៅពីការបង្គាប់បញ្ជា
ឲ្យបន្តបោះបង្គោលព្រំដែន និងឲ្យចាប់ខ្លួននរណាក៏ដោយ ដែលហ៊ាន ប្រឆាំងនោះ លោក
ហ៊ុន សែន ថែមទាំងបានបង្ហាញ នូវឯកសារជាភស្តុតាង និងជាទឡ្ហីករណ៍ ជាច្រើន
ដែលពាក់ព័ន្ធនឹងសន្ធិសញ្ញា រួមទាំងផែនទី«ផ្លូវការ»
របស់រដ្ឋាភិបាលកម្ពុជា កំពុង ប្រើប្រាស់ ក្នុងការបោះបង្គោលព្រំដែន
កម្ពុជា-វៀតណាម។
ជាថ្មីម្ដងទៀត នាយករដ្ឋមន្ត្រីកម្ពុជា
បានថ្លែងព្រមានខ្លាំងៗ ឲ្យចាត់វិធានការ«តាមច្បាប់» ទៅ កាន់បុគ្គលណា
ឬក្រុមណាក៏ដោយ ដែលនៅតែបន្តចោទរដ្ឋាភិបាល របស់លោក
ថា បាន ប្រើប្រាស់ ផែនទីក្លែងក្លាយ ឬផែនទីចោរ។ លោក ហ៊ុន សែន
នាយករដ្ឋមន្ត្រីបីទសវត្សន៍ នៅកម្ពុជា បានបង្គាប់
ទៅគ្រប់មន្ត្រីមានសមត្ថកិច្ចទាំងអស់ ឲ្យធ្វើការចាប់ខ្លួនជននោះ
ឬក្រុមនោះភ្លាមៗ នៅនឹងកន្លែង ដោយគ្មានការលើកលែងឡើយ ទោះជនឬក្រុមនោះ
លើកឡើងថា រដ្ឋាភិបាល កំពុងរំលោភសិទ្ធិ នៃការបញ្ចេញមតិ ឬសិទ្ធិក្នុងការចូលរួម
ធ្វើនយោបាយនោះក៏ដោយ។
លោក ហ៊ុន សែន បានថ្លែងឡើងថា៖ «ចាប់ខ្លួនអ្នកណាក៏ដោយ ដែលហ៊ាននិយាយថា រដ្ឋាភិបាល ប្រើប្រាស់ផែនទីក្លែងក្លាយ។ បើទុកសភាពការណ៍ដូច្នេះ នឹងមានសង្គ្រាមកើតឡើង។ (...) បើខុស ពីគណបក្សប្រជាជនកម្ពុជាដឹកនាំនោះ ប្រទេសនឹងមានសង្គ្រាម។ ដូច្នេះខ្ញុំសូមបញ្ជាក់ថា មិនអត់ មានឲ្យនរណាមួយ ហ៊ានប្រើពាក្យថាផែនទីក្លែងក្លាយ ផែនទីចោរ គឺមិនលើកលែងទេ។ មន្ត្រីអនុវត្តច្បាប់ ត្រូវចាប់នៅនឹងកន្លែង ព្រោះអ្នកឯងបំពានច្បាប់។»
នាយករដ្ឋមន្ត្រីកម្ពុជា នៅតែអះអាងថា រដ្ឋាភិបាលរបស់លោកសព្វថ្ងៃ កំពុងប្រើប្រាស់ ផែនទី ផ្លូវការរបស់ខ្លួន ក្នុងការកំណត់បោះបង្គោលព្រំដែន កម្ពុជា-វៀតណាម ជាផែនទីបោនខ្នាត ១ លើ ១០០ ពាន់ ហើយលោក ហ៊ុន សែន បានបង្គាប់ឲ្យមន្រ្តី ជំនាញខាងព្រំដែន បន្តចរចា និងបោះ បង្គោលព្រំដែន ជាមួយប្រទេសវៀតណាម ដោយមិនបង្អង់រង់ចាំអ្វីទៀតឡើយ។ លោកថា ផែនទីនេះ ជាផែនទីស្របច្បាប់ពេញលេញ ទាំងច្បាប់ជាតិ និងទាំងច្បាប់អន្តរជាតិ។ រីឯការ ចោទប្រកាន់ លើរដ្ឋាភិបាលកម្ពុជា ថាបានប្រើផែនទីក្លែងក្លាយ ឬផែនទីមិនត្រឹមត្រូវ ឬរហូត ដល់ ការប្រើពាក្យថា ផែនទីចោរ គឺជាការមួលបង្កាច់ គ្មានមូលដ្ឋាន មកលើរដ្ឋាភិបាលកម្ពុជា ដឹកនាំដោយគណបក្សប្រជាជនកម្ពុជា។
ការថ្លែងរបស់លោកនាយករដ្ឋមន្រ្តី ខាងលើនេះ ត្រូវបានធ្វើឡើងនៅរសៀល ថ្ងៃទី៨ ខែកញ្ញានេះ តាមកញ្ចក់ទូរទស្សន៍ជាតិ នៅមុនមួយថ្ងៃ នៃគម្រោងវិលត្រឡប់ មកប្រទេសកម្ពុជាវិញ របស់ លោក គឹម សុខា អនុប្រធានគណបក្សសង្គ្រោះជាតិ និងជាអនុប្រធានទីមួយ នៃរដ្ឋសភា បន្ទាប់ពី ការចាកចេញទៅក្រៅប្រទេស ដែលមានរយៈពេលវែងមួយ។ លោក ហ៊ុន សែន បានលើកជា សំនួបន្តថា តើបុគ្គល ឬក្រុមអ្នករិះគន់រដ្ឋាភិបាល រួមទាំងមន្រ្តីជាន់ខ្ពស់ នៃគណបក្សសង្គ្រោះជាតិ ទាំងនោះ ហ៊ានទទួលខុសត្រូវបែបណា ចំពោះមុខប្រវត្តិសាស្ត្រ នូវការចោទប្រកាន់របស់ខ្លួន មកលើរដ្ឋាភិបាល?
លោក យឹម សុវណ្ណ អ្នកនាំពាក្យគណបក្សសង្រ្គោះជាតិ ក្នុងថ្ងៃទី៩ ខែកញ្ញា ឆ្នាំ២០១៥នេះ មិនអាច ទាក់ទង ដើម្បីសុំការបញ្ជាក់ពីការថ្លែងរបស់លោក ហ៊ុន សែន នាំបាននៅឡើយ ដោយទូរស័ព្ទ មិន អាចភ្ជាប់ទំនាក់ទំនងបាន។ ប៉ុន្តែមន្រ្តីជាន់ខ្ពស់មួយរូប នៃគណបក្សសង្គ្រោះជាតិ បានថ្លែងឡើង ក្នុងលក្ខខណ្ឌមិនបញ្ចេញឈ្មោះថា លោក ហ៊ុន សែន ហ៊ាននិយាយបែបនេះ តែនៅក្រោយ លទ្ធផល នៃការផ្ទៀងផ្ទាត់ផែនទី ដែលបារាំងយកមកនោះ (ដែលថា ត្រូវគ្នា ឬដូចគ្នា) ប៉ុណ្ណោះ។ ឬមានន័យម្យ៉ាងទៀតថា «អាប៉ោងបើកគ្របហើយ ទើបលោក (នាយករដ្ឋមន្រ្តី) ហ៊ានចាក់។ តើភាគរយប៉ុន្មាន ដែលអាចនឹងគិតថាខុសនោះ?» នេះបើតាមមន្ត្រីដដែលនោះ។
កន្លងមក លោក អ៊ុំ សំអាន តំណាងរាស្រ្តមកពី គណបក្សសង្គ្រោះជាតិ ធ្លាប់បានសរសេរ ក្នុង ទំព័រហ្វេសប៊ុករបស់លោកថា លោកធ្លាប់បានស្នើ ឲ្យរដ្ឋាភិបាលលោក ហ៊ុន សែន បង្ហាញផែនទី UTM ខ្នាត ១ លើ ៥០ ពាន់ ចំនួន៤០ផ្ទាំង អមសន្ធិសញាឆ្នាំ១៩៨៥ (រវាងរដ្ឋាភិបាលវៀតណាម និងរដ្ឋាភិបាលកម្ពុជា ដែលវៀតណាមបន្ដុបឡើង) ដោយសាររដ្ឋាភិបាលកម្ពុជា បានប្រើផែនទី ទាំង ៤០ ផ្ទាំងនោះ ដើម្បីបោះបង្គោលដែរ។ រីឯផែនទី ខ្នាត ១ លើ ១០០ពាន់ (ដែលជាផែនទី យកជាបានការ) គ្រាន់តែប្រើអម ទៅនឹងផែនទី នៃសន្ធិសញ្ញាឆ្នាំ១៩៨៥ប៉ុណ្ណោះ៕
លោក ហ៊ុន សែន បានថ្លែងឡើងថា៖ «ចាប់ខ្លួនអ្នកណាក៏ដោយ ដែលហ៊ាននិយាយថា រដ្ឋាភិបាល ប្រើប្រាស់ផែនទីក្លែងក្លាយ។ បើទុកសភាពការណ៍ដូច្នេះ នឹងមានសង្គ្រាមកើតឡើង។ (...) បើខុស ពីគណបក្សប្រជាជនកម្ពុជាដឹកនាំនោះ ប្រទេសនឹងមានសង្គ្រាម។ ដូច្នេះខ្ញុំសូមបញ្ជាក់ថា មិនអត់ មានឲ្យនរណាមួយ ហ៊ានប្រើពាក្យថាផែនទីក្លែងក្លាយ ផែនទីចោរ គឺមិនលើកលែងទេ។ មន្ត្រីអនុវត្តច្បាប់ ត្រូវចាប់នៅនឹងកន្លែង ព្រោះអ្នកឯងបំពានច្បាប់។»
នាយករដ្ឋមន្ត្រីកម្ពុជា នៅតែអះអាងថា រដ្ឋាភិបាលរបស់លោកសព្វថ្ងៃ កំពុងប្រើប្រាស់ ផែនទី ផ្លូវការរបស់ខ្លួន ក្នុងការកំណត់បោះបង្គោលព្រំដែន កម្ពុជា-វៀតណាម ជាផែនទីបោនខ្នាត ១ លើ ១០០ ពាន់ ហើយលោក ហ៊ុន សែន បានបង្គាប់ឲ្យមន្រ្តី ជំនាញខាងព្រំដែន បន្តចរចា និងបោះ បង្គោលព្រំដែន ជាមួយប្រទេសវៀតណាម ដោយមិនបង្អង់រង់ចាំអ្វីទៀតឡើយ។ លោកថា ផែនទីនេះ ជាផែនទីស្របច្បាប់ពេញលេញ ទាំងច្បាប់ជាតិ និងទាំងច្បាប់អន្តរជាតិ។ រីឯការ ចោទប្រកាន់ លើរដ្ឋាភិបាលកម្ពុជា ថាបានប្រើផែនទីក្លែងក្លាយ ឬផែនទីមិនត្រឹមត្រូវ ឬរហូត ដល់ ការប្រើពាក្យថា ផែនទីចោរ គឺជាការមួលបង្កាច់ គ្មានមូលដ្ឋាន មកលើរដ្ឋាភិបាលកម្ពុជា ដឹកនាំដោយគណបក្សប្រជាជនកម្ពុជា។
ការថ្លែងរបស់លោកនាយករដ្ឋមន្រ្តី ខាងលើនេះ ត្រូវបានធ្វើឡើងនៅរសៀល ថ្ងៃទី៨ ខែកញ្ញានេះ តាមកញ្ចក់ទូរទស្សន៍ជាតិ នៅមុនមួយថ្ងៃ នៃគម្រោងវិលត្រឡប់ មកប្រទេសកម្ពុជាវិញ របស់ លោក គឹម សុខា អនុប្រធានគណបក្សសង្គ្រោះជាតិ និងជាអនុប្រធានទីមួយ នៃរដ្ឋសភា បន្ទាប់ពី ការចាកចេញទៅក្រៅប្រទេស ដែលមានរយៈពេលវែងមួយ។ លោក ហ៊ុន សែន បានលើកជា សំនួបន្តថា តើបុគ្គល ឬក្រុមអ្នករិះគន់រដ្ឋាភិបាល រួមទាំងមន្រ្តីជាន់ខ្ពស់ នៃគណបក្សសង្គ្រោះជាតិ ទាំងនោះ ហ៊ានទទួលខុសត្រូវបែបណា ចំពោះមុខប្រវត្តិសាស្ត្រ នូវការចោទប្រកាន់របស់ខ្លួន មកលើរដ្ឋាភិបាល?
លោក យឹម សុវណ្ណ អ្នកនាំពាក្យគណបក្សសង្រ្គោះជាតិ ក្នុងថ្ងៃទី៩ ខែកញ្ញា ឆ្នាំ២០១៥នេះ មិនអាច ទាក់ទង ដើម្បីសុំការបញ្ជាក់ពីការថ្លែងរបស់លោក ហ៊ុន សែន នាំបាននៅឡើយ ដោយទូរស័ព្ទ មិន អាចភ្ជាប់ទំនាក់ទំនងបាន។ ប៉ុន្តែមន្រ្តីជាន់ខ្ពស់មួយរូប នៃគណបក្សសង្គ្រោះជាតិ បានថ្លែងឡើង ក្នុងលក្ខខណ្ឌមិនបញ្ចេញឈ្មោះថា លោក ហ៊ុន សែន ហ៊ាននិយាយបែបនេះ តែនៅក្រោយ លទ្ធផល នៃការផ្ទៀងផ្ទាត់ផែនទី ដែលបារាំងយកមកនោះ (ដែលថា ត្រូវគ្នា ឬដូចគ្នា) ប៉ុណ្ណោះ។ ឬមានន័យម្យ៉ាងទៀតថា «អាប៉ោងបើកគ្របហើយ ទើបលោក (នាយករដ្ឋមន្រ្តី) ហ៊ានចាក់។ តើភាគរយប៉ុន្មាន ដែលអាចនឹងគិតថាខុសនោះ?» នេះបើតាមមន្ត្រីដដែលនោះ។
កន្លងមក លោក អ៊ុំ សំអាន តំណាងរាស្រ្តមកពី គណបក្សសង្គ្រោះជាតិ ធ្លាប់បានសរសេរ ក្នុង ទំព័រហ្វេសប៊ុករបស់លោកថា លោកធ្លាប់បានស្នើ ឲ្យរដ្ឋាភិបាលលោក ហ៊ុន សែន បង្ហាញផែនទី UTM ខ្នាត ១ លើ ៥០ ពាន់ ចំនួន៤០ផ្ទាំង អមសន្ធិសញាឆ្នាំ១៩៨៥ (រវាងរដ្ឋាភិបាលវៀតណាម និងរដ្ឋាភិបាលកម្ពុជា ដែលវៀតណាមបន្ដុបឡើង) ដោយសាររដ្ឋាភិបាលកម្ពុជា បានប្រើផែនទី ទាំង ៤០ ផ្ទាំងនោះ ដើម្បីបោះបង្គោលដែរ។ រីឯផែនទី ខ្នាត ១ លើ ១០០ពាន់ (ដែលជាផែនទី យកជាបានការ) គ្រាន់តែប្រើអម ទៅនឹងផែនទី នៃសន្ធិសញ្ញាឆ្នាំ១៩៨៥ប៉ុណ្ណោះ៕
No comments:
Post a Comment