អ្នកស្រី ជុំ សឹម ម្ដាយបង្កើតរបស់ជនជាប់សង្ស័យគំរាមសម្លាប់លោកបណ្ឌិត សុខ ទូច
ម្តាយ ផង់ សីហា ជនគំរាមសម្លាប់ សុខ ទូច អស់សង្ឃឹមដាច់អង្ករច្រកឆ្នាំង
ព្រៃវែង: អាស្រ័យនឹងកូនផ្ទះតូចទំហំ ២
ម៉ែtត្រកន្លះគុណ ៣ ម៉ែត្រកន្លះ
សង់ផុតពីដីកម្ពស់មួយម៉ែត្រដំបូលប្រក់ស័ង្កសីជញ្ជាំងបិទបាំងដោយ
ស្លឹកត្នោតគាបបន្ទះឫស្សីរបូតរខេករខាក សង់នៅលើដីទួលនៃ
ភូមិកន្ទ្រង់ឃុំស្តៅកោង ទឹកដីស្រុកនេនទុំ (បាភ្នំ) ខេត្តព្រៃវែង
ស្ត្រីជាម្តាយ ផង់ សីហា ជនជាប់ចោទគំរាមសម្លាប់លោក សុខ ទូច
កំពុងបារម្ភដាច់បាយ បន្ទាប់ពីកូននៅដេកក្នុងគុក។
គួររំឭកថា ផង់ សីហា ក្នុងវ័យ ២៧ ឆ្នាំ ត្រូវសមត្តកិច្ចនគរបាលបានចាប់ឃាត់ខ្លួន នៅចំណុចព្រំដែនច្រកទ្វារអន្ដរជាតិប៉ោយប៉ែត ក្រុងប៉ោយប៉ែតខេត្តបន្ទាយមានជ័យ នៅវេលាម៉ោង ១៧ ល្ងាច នាថ្ងៃទី ៥ ខែកញ្ញា ឆ្នាំ ២០១៥ នេះ ពីបទគំរាមសម្លាប់លោកបណ្ឌិត សុខ ទូច ប្រធានក្រុមស្រាវជ្រាវព្រំដែនកម្ពុជានៃរាជបណ្ឌិត្យសភាកម្ពុជា ក្នុងបណ្តាញហ្វេសប៊ុក។
ក្នុងទឹកមុខស្រពាប់ស្រពោនសម្លឹងឆ្នាំងបាយភ្លៀកៗមិនដាក់ភ្នែក ស្រីវ័យកណ្ដាល ជុំ សឹម បានពោលបន្ដថា៖ «ឲ្យខ្ញុំទៅរំពឹងអ្វី បើកូនដេកគុក ម្តាយស្រ្តីមេម៉ាយគ្មានដីមួយដុំ រកតែអង្ករច្រកឆ្នាំងមិនបាន មុននេះពឹងតែប្រាក់ កូន សីហា ផ្ញើមកចិញ្ចឹមម្តាយ»។
ពោលទាំងទឹកភ្នែករលីងរលោងពីជំងឺប្រចាំកាយច្រើនទាំងលើសឈាម ខ្សោយបេះដូង មិនដែលបានចេញរកស៊ីឈ្នួលដកស្ទូងយកចំណូលមកទ្រទ្រង់ ជីវភាពបាន អ្នកស្រី ជុំ សឹម វ័យ ៤៧ ឆ្នាំបញ្ជាក់ពីភាពក្តុកក្តួលអាណិតកូន ដោយរៀបរាប់បន្ដថា៖ «រហូតមកដល់ពេលនេះ ខ្ញុំមិនបានទៅមើលកូន សីហា ទៅជាយ៉ាងម៉េចទេ ហើយក៏មិនហ៊ានទៅឃើញមុខកូនដែរ បើឃើញមានតែខ្ញុំសន្លប់នាំតែកូនឃើញពិបាកចិត្តជាងនេះទៀត»។
អ្នកស្រីពោលថា៖ «ដឹងតែថា កូនខ្ញុំត្រូវគេចាប់ខ្លួន
ថាគំរាមសម្លាប់ សុខ ទូច អ្នកស្រាវជ្រាវផែនទីកម្ពុជា»
ប៉ុន្តែស្ត្រីជាម្ដាយជនសង្ស័យរូបនេះក៏លើកឡើងដែរថា៖ «កូនខ្ញុំ
គេមានលុយឯណាទិញកាំភ្លើង
បើធ្វើកម្មករសំណង់រកតែលុយចិញ្ចឹមម្តាយ
ចិញ្ចឹមប្រពន្ធកូនមិនគ្រប់ផង។
ពេលនេះប្រពន្ធជិតគ្រប់ខែឆ្លងទន្លេទៀត លុយសម្រាប់ប្រពន្ធ
ទៅពេទ្យមិនដឹងនៅឯណា?»។
អ្នកស្រីបានពោលទាំងអួលដើមករំឭកពីអតីតកាលថា៖ «កូនៗខ្ញុំពិតជាអភ័ព្វណាស់ ចាប់កំណើតជាមួយម្តាយក្រីក្រ ហើយ ត្រូវឪពុកចុះចោលតាំងពី សីហា មិនទាន់ដឹងក្តីនោះ»។
អ្នកម្តាយរបស់ជនជាប់ចោទគំរាមសម្លាប់លោកបណ្ឌិត សុខ ទូច តាមបណ្ដាញហ្វេសប៊ុក រូបនេះ ក៏បានរៀបរាប់ឲ្យដឹងទៀតថា៖ «សីហា មិនបានរៀនសូត្រខ្ពស់ទេ គេរៀនត្រឹមថ្នាក់ទី ៤។ តាំងពីតូចគេដើរឡើងត្នោតចិញ្ចឹមម្តាយ និងដើរធ្វើសំណង់ទេ។ គេក៏បានចេញទៅធ្វើសំណង់នៅប្រទេសថៃក៏ច្រើនឆ្នាំហើយដែរ។ សព្វថ្ងៃគេមានប្រពន្ធនៅខេត្តកំពង់ចាម និងមានកូនពីរ កូនទីពីរនៅក្នុងពោះ ជិតគ្រប់ខែ។ ខាងប្រពន្ធនោះគ្នាក៏គ្មានអីដែរ ជីវភាពដូចតែខ្ញុំ ចាំរំពឹងតែ សីហា ធ្វើសំណង់បានបួនដប់ ២០ ម៉ឺនផ្ញើមកបានទិញអង្ករ អំបិល ប្រហុក ទឹកត្រីហ្នឹង បើឲ្យហូបអាហារឆ្ងាញ់នោះ មិនអាចបំពេញក្រពះឆ្លងបានមួយខែៗទេ»។
អ្នកស្រី ជុំ សឹម បានពោលទាំងអស់សង្ឃឹមថា៖ «ខ្ញុំក៏មិនដឹងធ្វើម៉េចទេ មានតែទ្រាំតាមកម្មកូន។ ប៉ុន្តែខ្ញុំអាណិតតែប្រពន្ធគេទេ កូនតូចផង កូនក្នុងពោះផង ណាមួយពិបាកចិត្ត គ្មានប្រាក់ឆ្លងទន្លេ ខ្ញុំសង្ឃឹមអី បើរកតែប្រាក់ទិញថ្នាំមកលេបមិនបានផងពេលនេះ បើអត់ពី សីហា មានតែក្រពះនៅក្រៀមគ្រប់គ្នាហ្នឹង»៕
គួររំឭកថា ផង់ សីហា ក្នុងវ័យ ២៧ ឆ្នាំ ត្រូវសមត្តកិច្ចនគរបាលបានចាប់ឃាត់ខ្លួន នៅចំណុចព្រំដែនច្រកទ្វារអន្ដរជាតិប៉ោយប៉ែត ក្រុងប៉ោយប៉ែតខេត្តបន្ទាយមានជ័យ នៅវេលាម៉ោង ១៧ ល្ងាច នាថ្ងៃទី ៥ ខែកញ្ញា ឆ្នាំ ២០១៥ នេះ ពីបទគំរាមសម្លាប់លោកបណ្ឌិត សុខ ទូច ប្រធានក្រុមស្រាវជ្រាវព្រំដែនកម្ពុជានៃរាជបណ្ឌិត្យសភាកម្ពុជា ក្នុងបណ្តាញហ្វេសប៊ុក។
ក្នុងទឹកមុខស្រពាប់ស្រពោនសម្លឹងឆ្នាំងបាយភ្លៀកៗមិនដាក់ភ្នែក ស្រីវ័យកណ្ដាល ជុំ សឹម បានពោលបន្ដថា៖ «ឲ្យខ្ញុំទៅរំពឹងអ្វី បើកូនដេកគុក ម្តាយស្រ្តីមេម៉ាយគ្មានដីមួយដុំ រកតែអង្ករច្រកឆ្នាំងមិនបាន មុននេះពឹងតែប្រាក់ កូន សីហា ផ្ញើមកចិញ្ចឹមម្តាយ»។
ពោលទាំងទឹកភ្នែករលីងរលោងពីជំងឺប្រចាំកាយច្រើនទាំងលើសឈាម ខ្សោយបេះដូង មិនដែលបានចេញរកស៊ីឈ្នួលដកស្ទូងយកចំណូលមកទ្រទ្រង់ ជីវភាពបាន អ្នកស្រី ជុំ សឹម វ័យ ៤៧ ឆ្នាំបញ្ជាក់ពីភាពក្តុកក្តួលអាណិតកូន ដោយរៀបរាប់បន្ដថា៖ «រហូតមកដល់ពេលនេះ ខ្ញុំមិនបានទៅមើលកូន សីហា ទៅជាយ៉ាងម៉េចទេ ហើយក៏មិនហ៊ានទៅឃើញមុខកូនដែរ បើឃើញមានតែខ្ញុំសន្លប់នាំតែកូនឃើញពិបាកចិត្តជាងនេះទៀត»។
ជនសង្ស័យ ផង់ សីហា ថ្ងៃចូលបំភ្លឺនៅចំពោះមុខតុលាការ។
អ្នកស្រីបានពោលទាំងអួលដើមករំឭកពីអតីតកាលថា៖ «កូនៗខ្ញុំពិតជាអភ័ព្វណាស់ ចាប់កំណើតជាមួយម្តាយក្រីក្រ ហើយ ត្រូវឪពុកចុះចោលតាំងពី សីហា មិនទាន់ដឹងក្តីនោះ»។
អ្នកម្តាយរបស់ជនជាប់ចោទគំរាមសម្លាប់លោកបណ្ឌិត សុខ ទូច តាមបណ្ដាញហ្វេសប៊ុក រូបនេះ ក៏បានរៀបរាប់ឲ្យដឹងទៀតថា៖ «សីហា មិនបានរៀនសូត្រខ្ពស់ទេ គេរៀនត្រឹមថ្នាក់ទី ៤។ តាំងពីតូចគេដើរឡើងត្នោតចិញ្ចឹមម្តាយ និងដើរធ្វើសំណង់ទេ។ គេក៏បានចេញទៅធ្វើសំណង់នៅប្រទេសថៃក៏ច្រើនឆ្នាំហើយដែរ។ សព្វថ្ងៃគេមានប្រពន្ធនៅខេត្តកំពង់ចាម និងមានកូនពីរ កូនទីពីរនៅក្នុងពោះ ជិតគ្រប់ខែ។ ខាងប្រពន្ធនោះគ្នាក៏គ្មានអីដែរ ជីវភាពដូចតែខ្ញុំ ចាំរំពឹងតែ សីហា ធ្វើសំណង់បានបួនដប់ ២០ ម៉ឺនផ្ញើមកបានទិញអង្ករ អំបិល ប្រហុក ទឹកត្រីហ្នឹង បើឲ្យហូបអាហារឆ្ងាញ់នោះ មិនអាចបំពេញក្រពះឆ្លងបានមួយខែៗទេ»។
អ្នកស្រី ជុំ សឹម បានពោលទាំងអស់សង្ឃឹមថា៖ «ខ្ញុំក៏មិនដឹងធ្វើម៉េចទេ មានតែទ្រាំតាមកម្មកូន។ ប៉ុន្តែខ្ញុំអាណិតតែប្រពន្ធគេទេ កូនតូចផង កូនក្នុងពោះផង ណាមួយពិបាកចិត្ត គ្មានប្រាក់ឆ្លងទន្លេ ខ្ញុំសង្ឃឹមអី បើរកតែប្រាក់ទិញថ្នាំមកលេបមិនបានផងពេលនេះ បើអត់ពី សីហា មានតែក្រពះនៅក្រៀមគ្រប់គ្នាហ្នឹង»៕
No comments:
Post a Comment