(ថ្ងៃទី 22 មេសា 2014, ម៉ោង 04:33:PM) | ដោយ: វិសាល
ភ្នំពេញ: នៅព្រឹកថ្ងៃទី២២ ខែមេសា ឆ្នាំ២០១៤ ព្រះសង្ឃ និងប្រជាពលរដ្ឋ ចំណុះជើងវត្តកោះពោធិវង្ស ស្ថិតក្នុងភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ប្រមាណ៥០០អង្គ/នាក់ បានជួបជុំគ្នានៅក្នុងវត្តប្រកាសប្តឹងលោកឧកញ៉ា ឈាង ប៉ាក់សួរ និងអភិបាលរងខណ្ឌសែនសុខ លោកជា ខេម៉ា ថាបានឃុបឃិតគ្នារំលោភយកដីវត្ត។
បើតាមសម្តីប្រជាពលរដ្ឋ ដែលមកចូលរួម នៅក្នុងការជួបគ្នានោះ បានឲ្យដឹងថា ដីវត្តដែលលោក ឧកញ៉ារំលោភយកនោះមានទំហំ ៣០ម៉ែត្រគុណ ១៧០ ម៉ែត្រ ។
ព្រះសង្ឃ និងប្រជាពលរដ្ឋ សូមសំណូមពរ ដល់សម្តេចតេជោហ៊ុន សែន និងសម្តេចកិត្តិព្រឹទ្ធបណ្ឌិត មេត្តាជួយអន្តរាគមន៍ យកដីវិញ។ ពេលនេះ ប្រជាពលរដ្ឋ និងព្រះសង្ឃមិនចង់បានអ្វីពីលោកឧកញ៉ានោះឡើយ គឺចង់បានតែដីប្រគល់ជូនវត្តវិញតែប៉ុណ្ណោះ។
ពាក់ព័ន្ធករណីខាងលើនេះគេហទំព័រ CEN ទំនាក់ទំនងតាមទូរស័ព្ទទៅលោក ជា ខេម៉ា អភិបាលរងខណ្ឌសែនសុខ ដើម្បីស្រាយបំភ្លឺករណីនេះតែទូរស័ព្ទចូលមិនមានអ្នកទទួល៕T/c
No comments:
Post a Comment