ទាក់ទិនករណីនេះ ក្រុមអ្នកជំនាញ នៃគណៈកម្មាធិការព្រំដែនកម្ពុជា របស់លោក ស៊ាន ប៉េងសែ និង ក្រុមប្រឹក្សាឃ្លាំមើលកម្ពុជា បាន ប្រជុំពិគ្រោះយោបល់ នៅទីក្រុងប៉ារីស ប្រទេសបារាំង ថ្ងៃទី២០-២២ ខែសីហា ឆ្នាំ២០១៥ ដោយបញ្ជាក់ជំហរថា «ប្រឆាំងដាច់ខាត នូវគំរោងការណាមួយ ដែលឈានទៅរកការធ្វើវិសោធនកម្ម រដ្ឋធម្មនុញ្ញ មាត្រា២»។ (ដោយ KI-Media Group)
...............
សម រង្ស៊ី បញ្ហាក់ជំហរស្រទន់ ចំពោះបញ្ហាព្រំដែន ក្រោយផែនទីរដ្ឋាភិបាល មិនមែនក្លែងក្លាយ
-------------
(អត្ថបទ 12-09-2015 ដោយ Vayofm Teams)
នេះមិនមែនជាលើកទីមួយទេដែលប្រធានគណបក្សសង្គ្រោះជាតិ លោក សម រង្ស៊ី បានបញ្ជក់ជំហរ ចំពោះបញ្ហាព្រំដែនកម្ពុជា- វៀតណាម។ នៅថ្ងៃទី១២ខែកញ្ញនេះលោក សម រង្ស៊ី ប្រធានគណបក្សសង្គ្រោះជាតិ បានបញ្ជក់ជំហរបន្ថែមទៀតរបស់គណបក្សសង្គ្រោះជាតិ ចំពោះបញ្ហាព្រំដែន។ បើតាមលោកសម រង្ស៊ី បានបញ្ជាក់ជំហររបស់គណបក្សខ្លួន ក្នុងនោះរួមមានទី ១- មិនចោទប្រកាន់បុគ្គលណា ឬគណបក្សនយោបាយណាមួយឡើយ។ ទី២- មិនឆ្លើយតបទៅនឹងការចោទប្រកាន់ ពីបុគ្គលណា ឬគណបក្សនយោបាយណាមួយឡើយ។ ទី៣- បង្ហាញការពិត គឺថាបញ្ហាព្រំដែន និងបូរណភាពទឹកដីនៃប្រទេសកម្ពុជា មិនមែនជាជម្លោះនយោបាយ រវាងខ្មែរនិងខ្មែរទេ តែជាជម្លោះទឹកដីរវាងប្រទេសកម្ពុជា និងប្រទេសជិតខាង។ ទី៤- ខិតខំពង្រឹងឯកភាពជាតិ ដោយជៀសវាងកុំឲ្យខ្មែរចាញ់ល្បិចបំបែកបំបាក់ របស់បរទេសឈ្លានពាន ដែលញុះញង់ឲ្យខ្មែរឈ្លោះគ្នា ដើម្បីគេលេបត្របាក់ទឺកដីយើង ដូចគេបានធ្វើរាប់រយឆ្នាំមកហើយ ក្រោយសម័យមហានគរ (សតវត្សរ៍ទី ១២-១៣)។ ទី៥- ខិតខំរកឯកសារ ជំនាញ និងគំនិតស្ថាបនា ដើម្បីជួយការពារទឹកដីប្រទេសកម្ពុជាបច្ចុប្បន្ន ឲ្យបានគង់វង្ស សម្រាប់កូនចៅយើងជំនាន់ក្រោយ រាប់រយឆ្នាំទៅមកទៀត។
គួរបញ្ជាក់ថា ការបង្ហាញជំហររបស់ប្រធានគណបក្សសង្គ្រោះជាតិពេលនេះ បានធ្វើឡើងក្រោយពេល ដែលផែនទីរបស់រដ្ឋាភិបាលត្រូវបានផ្ទៀងផ្ទាត់ជាមួយ និងផែនទីរបស់ប្រទេសមហាអំណាច និងផែនទី របស់អង្គការសហប្រជាជាតិគឺដូចគ្នា ដែលកន្លងមកផែនទីរបស់រដ្ឋាភិបាលនេះ ធ្លាប់ត្រូវបានមន្ត្រីគណបក្សសង្គ្រោះជាតិចោទប្រកាន់ថា ជាផែនទីក្លាងក្លាយផងដែរ៕ (ដោយ៖គួន សំបូរ)
No comments:
Post a Comment