2014-03-19
មន្ត្រីជាន់ខ្ពស់រដ្ឋសភាជាតិកម្ពុជា ស្វែងរកបទពិសោធន៍ស្ដីពីការត្រួតពិនិត្យថវិកាជាតិ ដោយរដ្ឋសភា។ សេចក្តីប្រកាសព័ត៌មានរបស់រដ្ឋសភាជាតិ ឲ្យដឹងថា ប្រធានគណៈកម្មការហិរញ្ញវត្ថុសវនកម្មរបស់រដ្ឋសភា លោក ជាម យៀប បានទៅចូលរួមសិក្ខាសាលាសិក្សាស្វែងយល់ពីបញ្ហានេះ ជាមួយប្រទេសឡាវ និងវៀតណាម ចាប់ពីថ្ងៃទី១៨ ដល់ថ្ងៃទី២១ ខែមីនា។
សិក្ខាសាលានោះពិភាក្សាពីការអនុវត្តលទ្ធផលសវនកម្មក្នុងការត្រួតពិនិត្យថវិការដ្ឋដោយរដ្ឋសភា។
យន្តការសម្របសម្រួលរវាងរដ្ឋសភា សវនកម្មជាតិ និងក្រសួងសេដ្ឋកិច្ច និងហិរញ្ញវត្ថុ ក្នុងការអនុវត្ត និងត្រួតពិនិត្យថវិកា ព្រមទាំងផែនការសហប្រតិបត្តិការនាពេលអនាគត។
ជុំវិញដំណើរការត្រួតពិនិត្យថវិកាជាតិនេះ វេទិកាអង្គការមិនមែនរដ្ឋាភិបាលស្ដីពីកម្ពុជា ធ្លាប់រកឃើញថា រដ្ឋសភាកម្ពុជា មានភាពខ្លាំងបង្គួរក្នុងដំណើរការត្រួតពិនិត្យថវិកាជាតិ ប៉ុន្តែស្ថាប័នសវនកម្មជាតិ បែរជាខ្វះរបាយការណ៍ផ្សាយជាសាធារណៈទៅវិញ។
បក្សប្រឆាំងធ្លាប់ប្រកាសមិនទទួលស្គាល់រដ្ឋសភា ដែលមានតែសមាជិកគណបក្សប្រជាជនកម្ពុជា នោះទេ។
រដ្ឋសភាកម្ពុជា បានអនុម័តច្បាប់ថវិកាប្រចាំឆ្នាំ២០១៤ ដោយគ្រោងឲ្យរដ្ឋាភិបាលចាយវាយថវិកាជាតិក្នុងរង្វង់ជាង ៣.៤០០លានដុល្លារសហរដ្ឋអាមេរិក៕
No comments:
Post a Comment