ប៉ាង សុខឿន៖ ហ៊ុន សែន គ្មានអ្វីអស្ចារ្យ នៅក្នុងខ្សែភ្នែករបស់ពួកយើងទេ!

លោក ហ៊ុន សែន គ្មានអ្វីអស្ចារ្យ នៅក្នុងខ្សែភ្នែករបស់ពួកយើងទេ!

អត្ថបទ ខ្មែរ សុវណ្ណភូមិ (ប៉ាង សុខឿន) 05-5-2016

.......................

មូលហេតុគឺ ៖

១. បានអំណាចពីដំបូងបំផុត ដោយសារយួនបន្តុប លុតក្រាប ជាមួយយួន និង សំលាប់ខ្មែរគ្នាឯង ហើយរហូតមកដល់ពេលនេះ នៅតែយួនជួយ។

២. ហ៊ុន សែន គ្មានសូម្បីតែសេចក្តីក្លាហានបន្តិចបន្តួច ទទួលយក ការរិះគន់ ពីអ្នកដទៃ ហើយខឹតខំបោកប្រាស់ខ្លួនឯង និងអ្នកដទៃ ដោយ ព្យាយាម ចាត់ទុក ខ្លួនជាមនុស្សល្អឥតខ្ចោះ គ្រប់ពេលមិនដែលចេះខុស។

៣. គ្មានសមត្ថភាពកសាងប្រទេស ដោយខ្លួនឯង ឬកសាងប្រទេស ឲ្យ រស់បាន ដោយខ្លួនឯង ដោយអ្វីៗខ្មែរអាចរស់បាន ធ្វើ់បាន ព្រោះតែការ នាំចូលពីគេ ការសុំគេឲ្យជួយ និងការខ្ចីបុលពីគេ មកកសាងតែប៉ុណ្ណោះ។

៤. គ្រប់ដំណោះស្រាយបញ្ហាក្នុងប្រទេស មានតែអំពើហិង្សា ជា សមត្ថភាព ដ៏ស្ទាត់ជាងគេ របស់ ហ៊ុន សែន។

៥. មានឈ្មោះល្បីទាំងអន្តរជាតិថា ជាមនុស្សមានបាតដៃ ប្រឡាក់ឈាម ខ្មែរ ឃោរឃៅ រណបបរទេស និងជាជនពុករលួយ។

៦. អំណាចដែលនៅរក្សាបាន មកដល់ពេលនេះ ក្រោយពីឆ្នាំ១៩៩៣ គឺ កើតឡើង ដោយសារ ការប្រើ់ល្បិចថោកទាប ទៅលើដៃគូបដិបក្ខ រួមមាន ការបង្ហូរឈាមខ្មែរ ការធ្វើរដ្ឋប្រហារ ដណ្តើមអំណាច ការបំបែកបំបាក់ និងការគំរាមកំហែង ដៃគូប្រឆាំង ការទិញទឹកចិត្ត ការគ្រប់គ្រងគជប និងការឲ្យយួនខុសច្បាប់ នៅកម្ពុជា ជួយបោះឆ្នោតឲ្យ ខ្លួន។

៧. ខ្លាំងបានតែនិយាយម្នាក់ឯង ដោយធ្វើនាយករដ្ឋមន្រ្តីជិត ៤០ ឆ្នាំ មិនដែល ហ៊ានបង្ហាញមុខ មកអង្គុយជជែក ដេញដោលវែកញែក និងដោះស្រាយបញ្ហាជាតិ ជាមួយមេដឹកនាំបក្សប្រឆាំង ឬមេដឹកនាំ អង្គការណាមួយ ក្នុងប្រទេស ទល់មុខគ្នា ដូចមេដឹកនាំប្រទេសគេ បានធ្វើ ក្នុងរបបប្រជាធិបេតយ្យឡើយ។ ពោលខ្លាំងបានតែម្នាក់ឯង និងខាង ស្រែក នៅពីក្រោយខ្នងគេ។

៨. មានឋានៈខ្ពស់ តែមិនមានសេចក្តីថ្លៃថ្នូរ ឬការគោរព ដោយស្មោះពីចិត្ត ពលរដ្ឋ ឬអ្នកនៅជុំវិញដូចពួកយើងឡើយ។ ព្រោះការគោរពរ ឬស្រឡាញ់ បស់ពលរដ្ឋ ចំពោះពួកយើង គឺកើតចេញពីទឹកចិត្តពិត ដោយយើង គ្មាន ផលប្រយោជន៍ផ្តល់ ឲ្យពួកគាត់ទេ ហើយយើង ក៏មិនដែលភ័យខ្លាច នឹងពលរដ្ឋ ឬគំរាមកំហែងរកការគោរព ពីពលរដ្ឋរបស់ខ្លួន ដូច ហ៊ុន សែន ដែរ។

៩. ជាមនុស្សរស់នៅ គ្មានសេរីភាព មានឋានៈ តែហុំព័ទ្ធដោយសេចក្តីស្អប់ ការភ័យខ្លាច គំនុំគំគួនពីមហាជន គ្រប់ទីកន្លែង ដេកយប់ស្រម័យឃើញ តែអំណាច ឈាម សម្រែកផ្កោលទោស របស់ពលរដ្ឋ ភ័យព្រួយ វាសនាខ្លួន និងកូនចៅខ្លួន ពេលខ្លួនអស់អំណាចទៅ នាពេលខាងមុខ។ល។ និង។ល។

និយាយរួម គ្រប់ចំណុចទាំងនេះ បញ្ជាក់យ៉ាងច្បាស់ថា ហ៊ុន សែន គ្មានអ្វីអស្ចារ្យ ចំពោះយើងទេ។ ចុះចំពោះបងប្អូនវិញ គិតដូចម្ត៉េចដែរ?