ដោយ៖ ស៊ុន ណារិន | ថ្ងៃសុក្រ ទី4 ខែមេសា ឆ្នាំ2014, ម៉ោង 09:13 AM
នាយករដ្ឋមន្ត្រីអូស្ត្រាលី លោក Tony Abbott ថ្លែងថា ការទទួលយកជនភៀសខ្លួនមួយចំនួន ដែលមានបំណងសុំសិទ្ធិជ្រកកោននៅប្រទេសអូស្ត្រាលី ជារឿងរបស់កម្ពុជា ខណៈកិច្ចព្រមព្រៀងស្នើសុំ កំពុងស្ថិតនៅក្នុងការពិចារណារបស់កម្ពុជា។
លោក Tony Abbott នៅតែស្ទាក់ស្ទើរក្នុងការនិយាយអំពីកិច្ចព្រមព្រៀងការតាំងលំនៅរបស់ជនភៀសខ្លួនជាមួយប្រទេសកម្ពុជា តែលោក បានបដិសេធក្នុងការច្រានចោលកិច្ចព្រមព្រៀងជាមួយកម្ពុជា ខណៈរដ្ឋមន្ត្រីអន្តោប្រវេសន៍ លោកScott Morrison បានធ្វើទស្សនកិច្ចនៅកម្ពុជា ដើម្បីពិភាក្សាដំណោះស្រាយថ្នាក់តំបន់សម្រាប់ការរត់ពន្ធមនុស្ស។
សារព័ត៌មានThe Guardian ចុះផ្សាយដោយដកស្រង់សម្តីរបស់លោកAbbottថា ការរត់ពន្ធមនុស្ស គឺជាបញ្ហាក្នុងតំបន់ ដែលតម្រូវឲ្យមានការដោះស្រាយតាមរបៀបក្នុងតំបន់។ លោកបញ្ជាក់ថា«តើកម្ពុជា នឹងទទួលស្គាល់មនុស្ស(ជនភៀសខ្លួន) ពិតជាបញ្ហាសម្រាប់កម្ពុជា»។
សារព័ត៌មានThe Guardian ចុះផ្សាយដោយដកស្រង់សម្តីរបស់លោកAbbottថា ការរត់ពន្ធមនុស្ស គឺជាបញ្ហាក្នុងតំបន់ ដែលតម្រូវឲ្យមានការដោះស្រាយតាមរបៀបក្នុងតំបន់។ លោកបញ្ជាក់ថា«តើកម្ពុជា នឹងទទួលស្គាល់មនុស្ស(ជនភៀសខ្លួន) ពិតជាបញ្ហាសម្រាប់កម្ពុជា»។
រដ្ឋមន្ត្រីអន្តោប្រវេសន៍ លោក Scott Morrison ដែលបំពេញទស្សនកិច្ចនៅកម្ពុជាចាប់តាំងពីខែកុម្ភៈ បានជួបជាមួយរដ្ឋមន្ត្រីក្រសួងមហាផ្ទៃ លោក ស ខេង កាលពីថ្ងៃព្រហស្បតិ៍។ លោក បានធ្វើដំណើរមករាជធានីភ្នំពេញ ដើម្បីពិភាក្សាជាមួយរដ្ឋាភិបាលកម្ពុជាក្នុងរយៈពេលពីរខែ ស្តីពីកិច្ចព្រមព្រៀងមួយអំពីអ្នកស្វែងរកសិទ្ធិជ្រកកោន។
លោក Tony Abbott បន្តថា រាល់ការគាំទ្រ និងកិច្ចសហប្រតិបត្តិការផ្សេងៗ ដែលអាចផ្តល់ទៅអូស្ត្រាលី គឺការការស្វាគមន៍ពិតប្រាកដមួយ។ លោកបញ្ជាក់ថា ប្រទេសអូស្ត្រាលី កំពុងតែចរចាជាមួយដៃគូក្នុងតំបន់ក្រោមដំណើរការបាលី(Bali Process)។
នៅពេលសាកសួរពីបញ្ហានេះ អ្នកនាំពាក្យក្រសួងមហាផ្ទៃ លោក ខៀវ សុភ័គ និងអ្នកនាំពាក្យក្រសួងការបរទេស លោក កុយ គួង បានបង្វែរសំណួរដាក់គ្នាទៅវិញទៅមក។VOD មិនទាន់អាចទាក់ទងលោក ស ខេង ដើម្បីសុំអត្ថាធិប្បាយលើបញ្ហានេះនៅឡើយទេ។
កន្លងទៅ អង្គការឃ្លាំមើលសិទ្ធិមនុស្សជាតិ ធ្លាប់បានស្នើឲ្យរដ្ឋាភិបាលកម្ពុជា បដិសេធក្នុងការទទួលយកសំណើរបស់រដ្ឋាភិបាលអូស្ត្រាលី ដែលបានស្នើឲ្យកម្ពុជា ទទួលយកជនភៀសខ្លួនដែលមានបំណងសុំសិទ្ធិជ្រកកោននៅប្រទេស អូស្ត្រាលី៕
សរសេរមកកាន់ លោក ស៊ុន ណារិន តាមរយៈsun_narin@vohotnews.com
No comments:
Post a Comment