ទៅមួយទៀតហើយ៖ របប Victor Fedorovych Yanukovych ដួលរលំ តែនៅសន្យាថាការពារអំណាចលុះក្ស័យ

ដោយ៖ ខ្មែរ សុវណ្ណភូមិ
.................................

វិកទ័រ យ៉ានុកូវិច កើតឆ្នាំ១៩៥០ និងក្លាយជាប្រធានាធិបតី​ប្រទេស យូក្រែនពីឆ្នាំ២០១០ រហូតដល់ថ្ងៃទី២២ កុម្ភៈ២០១៤។

ក្នុងវ័យយុវជន វិកទ័រ យ៉ានុកូវិច ធ្លាប់បានប្រព្រឹត្តបទឧក្រិដ្ឋពីរដង គឺនៅឆ្នាំ១៩៦៧ម្តងពីបទប្លន់ និងហិង្សាវាយតប់ ហើយកាត់ទោស

ឲ្យជាប់គុគ១៨ខែ។ នៅឆ្នាំ១៩៧០ វិកទ័រ យ៉ានុកូវិច ត្រូវបានកាត់ ទោសម្តងទៀតឲ្យជាប់គុក២ឆ្នាំពីបទប្រើហិង្សាវាយតប់គ្នា។ នៅឆ្នាំ២០០៥ ព្រះរាជអាជ្ញា Donetsk Oblast បានចោទបរកាន់ វិកទ័រ យ៉ានុកូវិច ពីបទក្លែងបន្លំឯកសាររឿងក្តីរបស់គាត់កាល​ពីជាង២០ឆ្នាំមុន។ 

ក្នុងផ្នែកនយោបាយ វិកទ័រ យ៉ានុកូវិច នៅពេលដែលខ្លួនត្រូវបាន តែងតាំងជាអនុប្រធានបក្ស «គណបក្សនៃតំបន់ - Party of Regoins» ប្រចាំខេត្ត Donetsk ដែលជាខេត្តភាគ ខាង កើតនៃប្រទេសក្រែន និងមានពលរដ្ឋច្រើនរស់នៅ។ 

វិកទ័រ យ៉ានុកូវិច បានប៉ងធ្វើប្រធានាធិបតេយ្យតាំងពីឆ្នាំ ២០០៤មកម្លេះ តែត្រូវបានបរាជ័យទៅមេដឹកនាំបក្សប្រឆាំលោក Viktor Yuschenko។ ក្រៅពីនេះ បក្សលោក វិកទ័រ យ៉ានុកូវិច ក៏ត្រូវបាន គេរកឃើញថាមានការលួចបន្លំ និងទិញ សន្លឹកឆ្នោត រួមទាំងការគំរាមកំហែងពលរដ្ឋក្នុងការបោះឆ្នោតផងដែរ។ 

ចំពោះអំពើពុករលួយលោក វិកទ័រ យ៉ានុកូវិច ត្រូវបានគេល្បីថាជា បីតាពុករលួយសម័យថ្មីនៅអឺរ៉ុបផងដែរបន្ទាប់ពីបានឡើងកាន់អំណាច។ តាមពិតលោកមានប្រាក់ខែមិនលើសពី២០០០ដុល្លា អាមេរិក/ខែ តែលោកមានប្រាក់សង់វិមានតំលៃ ៧៥លានដុល្លារ អាមេរិក។ ក្រៅពីនេះ លោកក៏មានកងអង្គរក្សច្រើនផងដែរ និងជាពិសេសមាននយោបាយលំអៀងទៅរបបកុម្មុសនីស្តសហភាពសូវៀតថែមទៀត។ 

សូមបញ្ជាក់ថាពេលនេះលោក វិកទ័រ យ៉ានុកូវិច បានរត់ភាសខ្លួន​ទៅទីក្រុងគៀវ (Kiev) ជាទីតាំងជម្រករបស់លោក ហើយកាលពី​ថ្ងៃសៅ បន្ទាប់ពីកងទ័ព និងកងអង្គរក្សពិសេសរបស់លោក​ឈប់គាំទ្រ និងមានការប្រឆាំងរីករាលដាលទូទាំងប្រទេស។ ពីទីក្រុងគៀវលោក វិកទ័រ យ៉ានុកូវិច បានសន្យាថានឹងតស៊ូការ​ពារ​រដ្ឋាភិបាលស្របច្បាប់របស់លោក ហើយចោទប្រកាន់ពលរដ្ឋ​យូក្រែនដែលប្រឆាំងនឹងលោកថាជាអ្នកធ្វើរដ្ឋប្រហារ។ 

សំគាល់៖ មើលតាមការអះអាងរបស់ វិកទ័រ យ៉ានុកូវិច ដូចជា​មិនសូវខុស ពីហ៊ុន សែន សោះ តែយើងចាំមើលតើ​កងអង្គរក្ស ហ៊ុន សែន ហ៊ានធ្វើដូចកងអង្គរក្សរបស់លោក វិកទ័រ យ៉ានុកូវិច ដែរទេ? បើហ៊ានពួកគេនឹងក្លាយជាវិរបុរសរបស់ខ្មែរមិនខាន។